آخر روائع الشاعر محمد بن فطيس ..

بسم الله الرحم الرحيم

السلام عليكم

آخر روائع الشاعر محمد بن فطيس ..

[b]
ليه المسا عـوق الشقـاوي وطبّـه؟

وليه الهبوب تصحي القلب لا بـات؟



وليه القمر يدعـي جريـح المحبّـه؟
ويقول له يا هيه..ما فات ..ما مـات



جرحك ظهر لو قلـت للوجـه خبّـه
وللحزن في ضحكك رسوم وعلامات



وليه المطر بالذات ريحـه.. وصبّـه
كنّه رسول بيـن الاحبـاب بالـذات؟



اشتـاق فـيـه لشوفـتـك واتنـبّـه
للي نسيتـه مـن مواقـف ونظـرات



لا استانس الخافق ذكـر مـن يحبّـه
ورجع يراجع فالوناسـات مـا فـات



يا مرتـع القلـب الحزيـن ومربّـه
يزيين بك مثل الذهب صدر الابيـات



هيهات ينسى القلب شخـص ٍ لعبّـه
وهيات يدله خاطـري منـك هيهـات



سبك مديـح .. ومـدح غيـرك مسبّـه
تقول واذني صوتها تقول لـك هـات



ونبع الغـلا عنـدك وعنـدي مصبّـه
ومن الولا .. في خافقي لك ..ولاياات



وطيفك حطب عيني..وعينـي مشبّـه
والشوق برد ٍ ما انقطع لو للحظـات



ومكانك الصدر ولـك القلـب شبّـه
بين الضلوع اللـي فردهـا التنهـات



ولـك بيـرق ٍ فالقلـب حبـك يهبّـه
شامخ ولا هزه مـن العـذل غـارات



محبتـك فالوقـت ذا مــا تشـبّـه
الا بخيمـة بـدو بيـن العـمـارات



ان شفتني ضايق واهوجـس واسبّـه
اخاف غدر الوقت.. والوقـت دورات



لا تحسب ان دمعي نـزل دون سبّـه
ابكي من الفرقا وهـي مابعـد جـات



الـيـوم كــل امورنا..مستـتـبّـه
وبكره ماندري وش معه من مسـرّات



اربّ قلبـك مـثـل قلـبـي اربّــه
ما يخلفه كثـر العـذل.. والمسافـات

شكرا على القصيدة الأكثر من رائعة
والصراحة أنك أعجبتني جدا من مواضيعك و ردودك تذكرني بنفسي في منتديات وعد

[b]مشكووووووور على القصيده [/b]
ويعطيك الف عافي

حلووووووووووووووووووه حيل واتمنى الكثير منك

اشكرك على القصيده الجمييله والرااعه
السراحه اثبت بي افطيس انه مشهور